|
#1
27-02-2016, 12:39 PM
|
|
|
|
|
|
نداء من اهل الهجن لسمو الشيخ خليفة بن زايد وسمو ولي العهد
الا يالله يا رب الجلاله
طلبتك يا مجيب لمن دعا له خلقت الناس والارزاق بايدك وبعثت الرسل لأبلاغ الرساله شهدنا ان لا إله غيرك وصلى الله على محمد و آله وخير الناس أتقاهم لوجهك وكل صالح بما صلحت عماله نطيع الله ونطيع الرسولي وولاة الامر أصحاب العداله بعثت لكل قوم رسول مصلح لهدي الناس من درب الجهاله وبعثت اللي يلم الشمل فينا ووحدنا وظللنا ظلاله نعم زايد نعم زايد وزايد قهر بالعزم معنى الاستحاله نعم زايد نعم زايد وزوده على العالم بحله وارتحاله غرس حبه بشعبه بفضل ربه وشربنا صافي العذب وزلاله وعشنا في رخىً وأمن وأمانٍ ودعم موروثنا وأسس مجاله لأهل الهجن مركاض ٍ وشاره ودعم ومشتري أجود سلاله وحفظ موروثنا بره وبحره دعم للشعب كل ٍ في مجاله ويشري كل سابق عدمليَه ويشري مساعده سافط بغى له ولا ننسى مقالته الشهيره فلا حاضر بلا ماضي الاصاله رحمه الله وأسكنه الجناني إذا المسلم دعا ربه دعا له رحل زايد وذكره تم باقي نعم باقي وباقي في عياله فكيف يموت من خلف خليفه خليفة زايد الحمل ارتكى له على منهاجه يقود السفينه عسى الصحه وفال السعد فاله ولي العهد بوخالد عضيده زعيم المجد نبراس البساله يشابه زايد بقلب ٍ وقالب سياسته ونزاهته وقباله يحب بلاده وشعبه يحبه ومن يثقل كثير الحمل شاله سهر طرفه على راح المواطن وغيرته لعروبته أمتثاله وقف للمعتدي اسد الجزيره لنصر الحق فيصل للعداله وانت العدل وانت الفصل عندك مـجمل دايم وراعي الجماله ترى المركاض في موقف خطيرٍ وراعي الركض قد أبغض حلاله بدل ما كان يركض لاجل مكسب غدى يركض ويخسر حر ماله يعامل كنه مسوي جريمه وهو في حاله و يا عسر حاله قرارتٍ تشرع عنجهيه غرامات ٍ وتوقيف لحلاله وتسعيرات السعر مضغوط فيها ولا شي مشترا وش لي بقى له وذا جاه الشرا شرين وردن يحلف ولا حد يجاوب سؤاله ولجنة مشترى حساد كلهم ضعاف نفوس نقال المقاله يذمون الهجن فيها وفيها يبيعون الذمم لاجل الدلاله وفحص ٍ هوب قانوني وثابت شرى حرب المدن أقرب مثاله حــــد ٍ مفحوص يتريون طرحه وغيره عق فحصه في الزباله وترى عند الغني يشرون غالي ودفعه كاش والشيك يعنى له ومحدود الدخل بايع رخيَص هباب البيعه تجوز عياله وشيكه آجل وشارته آجل يالين يحول حوله ويل حاله وأحد محارب وحـــد ٍ مقرَب وحـــد ٍ ما درى وش لي جرا له وحد يروغ بمسار الشيوخ مغيم موتره ناكس عقاله ولي مركض مع الزحمة يدَعم تقول يدوس في واهي ملاله وفي كل يوم قانون ٍ جديد تخبط او تعسف او جهاله نداء من اهل الهجن لسمو الشيخ خليفة بن زايد وسمو ولي العهد : رجانا بالله و يا شيخ فيكم وانا آسف على هذي الاطاله تراث اجدادنا موروث اهلنا حمانا من الفساد و مالبطاله رجانا فيك يا جزل العطايا ودعم ٍ منَكم في كل حاله رجانا فيك يا أسد الجزيره ترى المركاض تنقصه العداله رجانا فيك نتوسل إليك عسى توصلك يا سيدي الرساله |
|
#2
08-03-2016, 01:49 PM
|
|
|
|
|
|
رد: نداء من اهل الهجن لسمو الشيخ خليفة بن زايد وسمو ولي العهد
بالتوفيق
|
| الكلمات الدلالية (Tags) |
| لسمو, من, الشيخ, العهد, الهجن, اهل, بن, خليفة, شادي, وأد, نداء, وسمو |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
