تجربتي الشخصية لا تتفاجأو ترا العنوان صحيح ! قبل 5 سنين تقريبا كنت حامل في الشهر السادس وفجأة انتابني الم فضيع جدا في الجنب اليسار ورحت للمستشفى فورا وقالو يمكن ولادة مبكرة لازم نكشف ونتاكد اقولهم ماعندي الم مخاض انا عندي الم في جنبي وطبعا مو عارفين طبعا ماارتحت والله الم يخلي الواحد يبكي دم واعزكم الله مااقدر اتبول وحرقان وخلاص مافي غير انين والم لايوصف رحت على مستشفى تاني وقالو لي احنا الان طوارئ لانه اخر الليل بس راح الدكتوره تعطيكي مسكن قوي تخيلو وانا حامل كم من المسكنات القوية اخدت المهم اخدت المسكن وارتحت تقدرو تقولو 10 ساعات ورجع الالم المميت تاني ورحت المستشفى وسولي سونار وقالولي عندك حصوتين وحده في الكلى ووحده في مجرى البول طبعا علشان طده مو قادره اتبول اعطوني مسكن مره تانيه وقالت الدكتوره مااقدر اعطيكي بعد كده لانو خطر على الجنين لازم تروحي لطبيب مسالك بوليه يتابع معاكي المهم خرجت من المستشفى امي عزمتني على الفطور في مطعم ( مسكينه امي تبغى تخرجني من الالم اللي كنت فيه) رحنا وكان صباح جلسنا انا وامي وقاعدين نتكلم على موضوع الحصوات الا وحده جالسه على طاوله جنبنا قالت معليش لو سمحتي انتي معاكي حصوة في الكلى قلتلها ايوا قالت انصحك بالبقدونس قلتلها بقدونس قالت كان سبب بعد الله في خروجها من كليت ابويا وهو في احسن حال الان قلتلها شكرا وراح اجرب وجاء الليل وجاني الالم المرير وامي الله يستر عليها ويدخلها الجنة هي واللي نصحتني بيه غلت البقدونس واعطتني شربت يمكن 7 قوارير منه و فجاءة بقدرت قادر تبولت يمكن لمدة دقيقة متواصله ولما قمت اسحب السيفون اكرمكم الله الا واشوف الحصوى وانتهى الالم وراح كل شئ وحتى التانيه اتفتفتت بقدرة الله ومن ثم البقدونس. هذه كانت تجربتي اما تجربة زوجي فا قبل اسبوع تقريبا زوجي لما يجي يتبول بوله كله دم والله العظيم دم فا كانت حالته جدا صعبه عملت له بقدونس مرتين والله انتهى الدم وحالته صارت اوكي لما راح كشف قالوله كان فيك حصوه كبيره خدشت الحالب مماسبب نزول الدم ولكن الحصوة منتهيه مافي حصوة فاتخيلو سبحان الله قوة البقدونس في تفتيت الحصوات ودر البول . معليش على الكلام الكثير بس حبيت انقلكم تجربتي عن البقدونس وافيدكم ان شاء الله وبس حابه اقول انه التجربه خير برهان بس كمان ابغى انبه انه مو كاسه وحده بقدونس راح تؤدي المطلوب بل يجب ان تكون كمية كبيرة مثلا ملئ قدر كامل وان شاء الله راح تشوفو النتيجه. منقووووووووووووووووووول للافاده
